<a href="https://kyzylorda-news.kz/">Kyzylorda-news.kz</a> Бүгін облыс әкімі &nbsp;Мұрат Ергешбаев Қырғызстанда өткен VІ Дүниежүзілік көшпенділер ойындарының жүлдегерлерін және тоғызқұмалақтан Әлем чемпионы Ермұхамед Әләйдарды қабылдады. Спортшыларды айтулы жетістіктерімен құттықтап, алдағы сайыстарына сәттілік тіледі.<blockquote>«Қырғызстанда өткен VI Дүниежүзілік көшпенділер ойындарында еліміздің, Сыр өңірінің намысын лайықты қорғап, жүлделі орындарға ие болуларыңызбен шын жүректен құттықтаймын! Президентіміз Қасым-Жомарт Кемелұлы «Спортшыларымыздың ерлігі – ел рухын көтеретін, ұлт бірлігін нығайтатын маңызды фактор» деп атап өтті. Әлемнің 113 мемлекетінен үш мыңға жуық спортшы бақ сынасқан тартысты додада үш жерлесіміздің жоғары нәтиже көрсетіп, жеңіске жетуін ерлік деп санаймын. Жарыс қорытындысы бойынша алыш күресінен Жандос Әбубәкіров қола жүлде еншіледі. Ал көк бөрі ойынынан Нұрлыбек Асқаров, көкпардан Алмат Жүнісов ұлттық құрама сапында өнер көрсетіп, күміс медалға ие болды. Сондай-ақ, Румынияның Бухарест қаласында тоғызқұмалақтан өткен Әлем чемпионатында талантты спортшымыз Әлайдар Ермұхаммед айқын басымдықпен жеңімпаз атанды. Сіздердің қажырлы еңбектеріңіз, табандылықтарыңыз бен кәсіби шеберліктеріңіздің арқасында көк байрағымыз көкке көтерілді. Ел мерейін үстем етіп, ұлттық спортты дамытуға қосып жүрген сүбелі үлестеріңіз үшін шынайы алғысымызды білдіреміз! Спортшыларымыздың жарқын жеңісінің негізінде білікті бапкерлер Сламхан Боранбаев пен Хакімжан Елеусіновтің табандылығы мен ерен еңбегі жатыр. Алдағы уақытта да отандық спортты жаңа деңгейде көтеріп, байрақты бәсекелерде жоғары нәтижеге қол жеткізесіздер деп сенемін. Еліміздің абыройын асқақтатар жеңісті күндеріңіз көп болғай!», – деді Мұрат Нәлқожаұлы.</blockquote>Еске салайық, Қазақстан құрамасы VI Дүниежүзілік көшпенділер ойындарында жалпыкомандалық есепте 74 медальмен бірінші орын алды.Жиында Алмат Жүнісов, Сламхан Боранбаев сөз сөйлеп, жеңімпаз спортшыларға Мемлекет басшысының Алғыс хаты, облыстың Құрмет Грамотасы және қаржылай сертификат табысталды.​Айта кетейік, 2022 жылдан бері Мемлекет басшысының, Үкіметтің қолдауымен өңірде заманауи үлгідегі 27 спорт кешені пайдалануға берілді. Осы кезде облыс орталығында «Қызылорда Арена» көпфункционалды спорт кешенінің құрылысы жүріп жатыр. Алдағы уақытта 6 спорт кешені ел игілігіне табысталады.Өңірде 377 мыңнан астам тұрғын спортпен тұрақты шұғылданады, бұл – халықтың 44,6 пайызы. Саланы дамытуға бағытталған жүйелі жұмыстың арқасында жыл басынан бері Сыр спортшылары Әлем, Азия чемпионаттарынан 34 алтын, 27 күміс, 28 қола медаль жеңіп алса, Қазақстан чемпионаттары мен кубоктарында 192 алтын, 150 күміс, 192 қола жүлдеге қол жеткізген.

Халықаралық жарыстарда жеңіс тұғырынан көрінген спортшылар марапатталды

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев, қала әкімі Нұржан Ахатов, облыстық ардагерлер кеңесінің төрағасы Серік Дүйсенбаев 1 қазан – Халықаралық қарттар күніне орай №1 Қызылорда арнаулы әлеуметтік қызметтер көрсету орталығына барып, қарттарды мерекемен құттықтады.<blockquote>«Қазақ халқы үшін үлкенді сыйлау, қарттықты қадірлеу – ғасырдан ғасырға жалғасып келе жатқан озық дәстүр. Бұл – өскелең ұрпақ үшін өлшеусіз рухани қазына. Сондықтан қазыналы қарияларымызды құрметтеу – әрбіріміздің азаматтық парызымыз. Аймақ ардагерлерін әлеуметтік қолдау – менің назарымдағы басты мәселе. Сіздерге көрсетілетін қамқорлық әрі қарай да жалғаса береді. Біз Сіздерге қолайлы жағдай жасап, қызмет көрсетуге қашан да дайынбыз. Баршаңызға мықты денсаулық, амандық тілеймін!», – деді Мұрат Нәлқожаұлы.</blockquote>Аймақ басшысы орталық ғимаратының алдындағы киіз үйде ұйымдастырылған көрмемен танысты. Көрмеге қызмет алушылардың өз қолымен жасаған ұлттық нақыштағы түрлі бұйымдары қойылған.Бүгінде өңірде 90 мыңға жуық қарт тұрады. Оның 2 мыңнан астамы арнаулы әлеуметтік қызметпен қамтылған. №1 Қызылорда арнаулы әлеуметтік қызметтер көрсету орталығына биыл 843,8 млн теңге қаржы бөлінді.&nbsp;Орталық заманауи талаптарға сай жабдықталып, қызмет алушылардың денсаулығын жақсарту, оңалту үшін қолайлы жағдай жасалды. Материалдық-техникалық базаны толықтыру әлі де жалғасады.Сонымен қатар Талсуат елді мекеніндегі 150 орынға арналған оңалту орталығында, Қызылорда қаласындағы 50 орындық жартылай стационарда зейнеткерлерге арнаулы әлеуметтік қызмет көрсетіледі.<img src="https://knadmin.beoblood.kz/uploads/arttar_a_rmet_k_rsetti_2_8d2810e460.jpg" alt="Қарттарға құрмет көрсетті 2.jpg">

Қазыналы қарттарға құрмет көрсетті

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев Шиелі ауданына жұмыс сапары кезінде Бәйгеқұм және Еңбекші ауылдарының тұрғындарымен кездесті. Онда елді мекендердің инфрақұрылымын, ауыл шаруашылығы және кәсіпкерлік салаларын дамыту, халықтың тұрмыс сапасын арттыру бағытында атқарылып жатқан жұмыстар талқыланды.Ауылдық округтерде көшелерге асфальт төселген, аяқсумен қамтылған және жарықтандырылған. Тұрғындар мал ұстайды, кәсіпкерлікпен айналысады.Кездесуде айтылған ұсыныс-пікірлер бойынша жауапты сала басшыларына тиісті тапсырмалар берілді. Аймақ басшысы Бәйгеқұм ауылындағы учаскелік полицияның жаңа пунктінің жұмысымен танысты. Нысанды демеушілік қаражат есебінен 22 млн теңгеге «Сәт-Сервис» серіктестігі салып, қыркүйек айында пайдалануға берілген.Бұл ауылда 2330 тұрғын бар. Учаскелік полиция пунктінің ашылуы қауіпсіздікті қамтамасыз етуге, құқықбұзушылықтың алдын алуға және полиция қызметкерлерінің халықпен тікелей байланысын нығайтуға мүмкіндік береді.Одан кейін облыс әкімі «Гежуба Шиелі Цемент» серіктестігінің қаржыландыруы есебінен 1,2 млрд теңгеге салынып жатқан 4,3 шақырым «Самара-Шымкент-Еңбекші» автомобиль жолының құрылысын көрді. Бас мердігер «Орда АвтоДор» ЖШС қолға алған құрылысты авторлық қадағалауға «Димаш-Сервис», техникалық қадағалауға «Опора Строя» серіктестіктері жауапты. Қайта жаңғыртудан өткен жол Еңбекші ауылы тұрғындарының көлік қатынасын жайлы етеді.Шиелі кентіндегі жол жөндеу жұмыстары, мамандандырылған балалар-жасөсіпірімдер мектебі де назардан тыс қалмады. Биыл &nbsp;Қожа Ахмет Яссауи, Бәкіров және Есабыз көшелерін, сондай-ақ Байтұрсынов көшесінен канал көпіріне дейінгі автомобиль жолдарын қайта жаңғыртуға &nbsp;облыстық бюджеттен 544,6 млн теңге, аудандық бюджеттен 350 млн теңге бөлінді. Қазір құрылыс-монтаждау жұмыстары жүргізілуде.№9 Шиелі аудандық олимпиадалық резервтің мамандандырылған балалар-жасөспірімдер мектебі күрделі жөндеуден өткен. Жалпы 249,9 млн теңге бөлінген жөндеу жұмыстарының нәтижесінде мектеп ғимараты жаңартылып, спортшылар мен жаттықтырушылар үшін қолайлы жағдай жасалды.Айта кету керек, Шиелі ауданы аумағындағы автомобиль жолдарының жалпы ұзындығы 325,9 шақырым болса, оның 80 шақырымы &nbsp;республикалық, 100,5 шақырымы &nbsp;облыстық және 145,4 шақырымы аудандық маңыздағы жолдар санатында.Аудандық маңызы бар 145,4 шақырым жолдың 138,1 шақырымы (94,9 пайыз) жақсы және қанағаттанарлық жағдайда. Ал облыстық және республикалық маңызы бар жолдар 100 пайыз асфальтталған.<img src="https://knadmin.beoblood.kz/uploads/Oblys_kimi_shielilik_t_r_yndarmen_kezdesti_8a6e057a33.jpg" alt="Облыс әкімі шиелілік тұрғындармен кездесті.jpg">

Аймақ басшысы Бәйгеқұм және Еңбекші ауылдарының тұрғындарымен кездесті

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың қатысуымен «Vigor Holding» компаниясының Шиелі ауданындағы қуаттылығы 20 МВт күн-электр станциясын іске қосу рәсімі өтті. Оған облыс прокуроры-инвестициялық омбудсмен Ризабек Ожаров, зиялы қауым өкілдері мен ел ағалары, аталған компанияның және жобаға қаржылай қолдау көрсеткен «Қазақстанның Даму Банкінің» өкілдері арнайы қатысты.<blockquote>«Мемлекет басшысы Қасым-Жомарт Кемелұлы елімізде жаңа инвестициялық кезеңді бастауды, оның ішінде индустрия, энергетика және құрылыс салаларында заманауи өндірістер ашуды тапсырған болатын. Жаңа жобаларды іске асыруға, өнеркәсіпті дамыту үшін жеке капитал тартуға мемлекет жан-жақты қолдау көрсетіп, қолайлы жағдай жасап келеді. Осының айқын көрінісі ретінде, бүгін отандық инвестордың қатысуымен жүзеге асқан жоба – «Vigor Holding» компаниясының күн-электр станциясын іске қосу рәсіміне жиналдық. Біз отандық және шетелдік инвесторлармен ашық әрі сенімді қарым-қатынас орнатып, нәтижелі жұмыс жасауға әрдайым дайынбыз! Жаһандық бәсеке күшейіп тұрған қазіргі заманда бұл – өте маңызды бастама. Өндірістер ашуға, жаңа технологияларды дамытуға салынған инвестицияның міндетті түрде қайтарымы болады. Осы ретте, ұтымды әлеуетімізді және мүмкіндіктерді тиімді пайдалануымыз қажет. Жаңа станцияның жұмысы табысты болсын!», – деді Мұрат Нәлқожаұлы.</blockquote>Жиында ауданның әлеуметтік-экономикалық дамуына үлес қосқан және жобаның нәтижелі жүзеге асуына атсалысқан азаматтар облыс әкімінің Алғыс хатымен марапатталды. Ризабек Кәрімұлы, «Vigor Holding» компаниясының бас директоры Айтуған Ахметұлы құттықтау сөз сөйлеп, ардагер Өркен Әзімханұлы ақ батасын берді.Бүгінде өңірде жалпы қуаттылығы 151 мегаватт болатын 11 күн-электр станциясы жұмыс істеп тұр. Алдағы уақытта қуаттылығы 225 мегаваттан асатын тағы 7 күн-электр станциясын іске қосу жоспарланған.Қазір Арал және Жаңақорған аудандарында 30 мегаваттық станциялар құрылысы жүргізілуде. Сонымен қатар, Қызылорда қаласында 15 мегаваттық, ал Шиелі ауданында әрқайсысының қуаттылығы 60 мегаватт болатын екі күн-электр станциясының жобасы әзірленуде. «ҚызылордаЭнерджиГаз» мекемесінің 10 мегаваттық станциясының құрылысы алдағы айда басталады.<img src="https://knadmin.beoblood.kz/uploads/Whats_App_Image_2026_09_30_at_17_18_42_f7f97bd8f1.jpeg" alt="Шиелі күн электр станциясы.jpeg">

Шиеліде күн-электр станциясы іске қосылды

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаевтың қатысуымен «Заң мен Тәртіп» конституциялық қағидатын іске асыру жөніндегі ведомствоаралық комиссияның алғашқы отырысы өтті.Оған бейнеконференцбайланыс арқылы Ішкі істер министрлігі Профилактикалық жұмысты үйлестіру комитетінің төрағасы, полиция генерал-майоры Арман Саданов қатысты.Шілде айынан бастап күшіне енген еліміздің жаңа Конституциясында заң мен тәртіптің үстемдігін қамтамасыз ету мемлекеттің негізгі қағидаттарының бірі ретінде бекітілді.Осыған байланысты заңнамаға тиісті өзгерістер енгізіліп, облыс әкімдігі жанынан «Заң мен Тәртіп» конституциялық қағидатын іске асыру жөніндегі ведомствоаралық комиссия құрылды.Комиссия отырысында сотталғандар арасында құқық бұзушылықтар мен қайталама қылмыстардың алдын алу, оларды босатуға даярлау және әлеуметтік бейімдеуде қабылданып жатқан шаралар қаралды.Сонымен қатар халықтың ақшалай қаражатын заңсыз тарту және өзге де алаяқтық әрекеттерге байланысты құқық бұзушылықтардың жасалуына ықпал ететін себептер мен жағдайларды жою мәселесі талқыланды.Қызылорда облысы бойынша қылмыстық атқару жүйесі департаменті бастығының міндетін атқарушы Мақсұт Өтетлеуов және Қызылорда облысы бойынша экономикалық тергеп-тексеру департаментінің басшысы Кенесары Бағбанұлы баяндама жасады.Аймақ басшысы жауапты сала басшыларына бірқатар міндет жүктеді. Атап айтқанда, экономикалық тергеп-тексеру департаментіне күмәнді интернет ресурстарды анықтау, олардың жолын кесуді күшейту, анықталған фактілер бойынша жүргізілген жұмыстың нәтижелілігін тұрақты бақылауда ұстау тапсырылды.Полиция департаменті азаматтар арасында, әсіресе тәуекел тобына жататын тұрғындар мен еңбек ұжымдарында қаржылық алаяқтықтың алдын алуға бағытталған нысаналы профилактикалық жұмыстарды күшейтуі керек.Ал қоғамдық даму басқармасы, Қызылорда қаласы мен аудан әкімдері мүдделі мемлекеттік органдармен бірлесіп, тұрғындарға қаржы пирамидалары мен алаяқтық схемаларды ерте анықтауға мүмкіндік беретін түсіндіру жұмыстарын жүйелі түрде жүргізуі тиіс.Ең бастысы, бұл жұмыстар формалды сипатта емес, азаматтарды қаржылық шығынға ұшыраудан сақтандыруға &nbsp;бағытталуы керек.&nbsp;Бұдан кейін облыс әкімі Мұрат Ергешбаевтың төрағалығымен сыбайлас жемқорлыққа қарсы іс-қимыл мәселелері жөніндегі комиссия отырысы өтті. Күн тәртібінде квазимемлекеттік сектор субъектілеріндегі сыбайлас жемқорлыққа қарсы комплаенс қызметі, мемлекеттік әлеуметтік тапсырыс аясындағы шаралардың тиімділігі талқыланды.Аймақ басшысы барлық басқарма басшыларына, Қызылорда қаласы мен аудан әкімдеріне өздеріне қарасты квазимемлекеттік сектор субъектілерінің қызметіне талдау жүргізуді, сыбайлас жемқорлық тәуекелдері мен кемшіліктерді уақытылы анықтауды, оларды жоюдың нақты шараларын қабылдауды тапсырды.&nbsp;Сондай-ақ қолданыстағы талаптарға сәйкес квазимемлекеттік сектор субъектілерінде сыбайлас жемқорлыққа қарсы комплаенс қызметтері құрылып, дербес әрі тиімді жұмыс істеуі керек.Жүйелі профилактикалық шараларға басымдық беріліп, халықтың құқықтық сауатын арттыруға, адалдық қағидаттарын нығайтуға және сыбайлас жемқорлыққа төзбеушілік ұстанымын қалыптастыруға бағытталған шаралар қабылданады.Облыстық қоғамдық даму басқармасына мемлекеттік әлеуметтік тапсырыс шеңберіндегі сыбайлас жемқорлыққа қарсы жобаларға қойылатын талаптарды күшейту, олардың орындалуымен қатар, нақты нәтижесін бағалау жүйесін енгізу тапсырылды. Әр жоба бойынша қамтылған аудитория мен қол жеткен нәтиже нақты көрсетілуі қажет.Бұдан бөлек, барлық басқарма басшыларына, Қызылорда қаласы мен аудан әкімдеріне өздеріне қарасты салалар мен аумақтарда тәуекелдердіескере отырып, жүйелі профилактикалық жұмысты жолға қою міндеттелді. Осы орайда тек іс-шара өткізумен шектелмей, халықтың құқықтық сауатын арттыруға және сыбайлас жемқорлыққа төзбеушілік мәдениетін қалыптастыруға баса мән берілуі керек.Комиссия отырысында облыс әкімінің орынбасары Мейрамбек Шермағанбетов,ҚР Мемлекеттік қызмет істері агенттігі Қызылорда облысы бойынша департаментінің басшысы Ерлеген Мендалиев баяндама жасады.

«Заң мен тәртіп» қағидатын іске асыру жөніндегі комиссияның алғашқы отырысы өтті

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен өткен Үкімет отырысында егін жинау науқанының барысы қаралды. Оған облыс әкімі Мұрат Ергешбаев селекторлық режим арқылы қатысты.Үкімет отырысында көтерілген мәселелерге орай .<blockquote>«Мақсат – егінді ысырапсыз әрі шығынсыз жинап алу. Науқанды қазан айының 15-інен кешіктірмей аяқтау керек. Қала және аудан әкімдіктерімен бірлесіп, барлық жұмысты белгіленген мерзімде сапалы атқаруға басымдық берілуі тиіс. Кәсіпкерлік саласындағы көрсеткіштерге тұрақты мониторинг жасап, мемлекеттік қолдау бағдарламаларының орындалуын қатаң бақылауда ұстаңыздар. Мемлекеттік кірістер департаменті қолдау алған кәсіпкерлердің мемлекет алдындағы міндеттемелерін орындауын қамтамасыз етсін.Жеңілдетілген қаржы, субсидия және кепілдікке ие болған кәсіпкерлердің салық түсімдеріне жан-жақты талдау жасалсын. «Жұмыс жүргізілді», «түсіндіру жұмыстары ұйымдастырылды» деген бос сөз, құр есеп қажет емес. Нақты нәтижеге мән беріп, қорытындысын баяндаңыздар», – деді Мұрат Нәлқожаұлы.</blockquote>Мәжілісте облыстық кәсіпкерлік және өнеркәсіп басқармасы басшысының міндетін атқарушы Жанар Берденова,облыстық ауылшаруашылығы және жер қатынастар басқармасының басшысы Талғат Дүйсебаев баяндама жасады.Биыл өңірде 193,7 мың гектарға ауыл шаруашылығы дақылдары егілді. Үкімет бекіткен Жол картасына сәйкес күріш алқабы өткен жылмен салыстырғанда 10,9 мың гектарға қысқарды. Мемлекет басшысының тапсырмасына сәйкес егісті әртараптандыру мақсатында 11 мың гектарға жүгері себілді.Алқаптарды сумен қамтамасыз ету үшін 3,2 млрд текше метр су лимиті бекітіліп, вегетациялық кезең штаттық режимде өтті. Диқандар тұқым, тыңайтқыш, гербицид және жанар-жағармаймен толық қамтылды. Сырдария өзенінен каналдар арқылы егістікке 2,5 млрд текше метр су берілді.Аймақта ерте егілген дәнді дақылдарды жинау аяқталды. Бүгінде 36 мың гектар күріш орылып, оның 27 450 гектары бастырылды.&nbsp;Орташа өнімділік гектарына 48,4 центнер, 133 мың тонна күріш салысы жиналды. Жиында жылу беру маусымына әзірлік барысы да қаралды. Биыл жылумен қамту нысандарын жаңғыртуға 5,5 млрд теңге бөлініп, 8,7 шақырым жылу желісін жаңғырту, газтурбиналық қондырғыға күрделі жөндеу жүргізу, жылу желілерін, қазандықтар, турбина және автономды қазандықтарды жөндеу жұмыстары толық аяқталды.Электр желілерін жаңғыртуға 7,6 млрд теңге бағытталып, 460 шақырым электр желісі мен 134 қосалқы станция жөндеуден өткізілді.Облыстағы 1 074 әлеуметтік нысанның дайындығы 100 пайыз. Жылу ауа райының нақты жағдайына және сыртқы ауаның тәуліктік орташа температурасына қарай беріле бастайды.&nbsp;Қыс мезгілінде тұрғындарға 68 мың тонна, әлеуметтік нысандарға 12 мың тонна, барлығы 80 мың тоннакөмір қажет. Көмір қорын толықтыру жұмыстары бекітілген кестеге сәйкес жүргізілуде.

Егін жинау науқанына байланысты жауапты сала басшыларына тапсырма берді

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев Қызылорда қаласы және аудан әкімдерімен кездесіп, алдағы жылдарға жоспарланған ауқымды жобаларды жан-жақты талқылады.Аймақта әлеуметтік-экономикалық және инженерлік инфрақұрылымды дамытуға бағытталған маңызды жобалар іске асырылады. Атап айтқанда, газдандыру, сумен және электрмен жабдықтау, жол, тұрғын үй, әлеуметтік нысандар құрылысы, ауыл шаруашылығы және өнеркәсіп салалары қамтылады.Қызылорда қаласында жалпы құны 114,4 млрд теңге болатын 104 жаңа жоба әзірленді. Негізгі бағыттар – тұрғын үй, жол және көпір құрылысы, сумен және кәрізбен жабдықтау, газдандыру, абаттандыру, жарықтандыру және көпқабатты тұрғын үйлерді жаңғырту.Арал ауданында 194,3 млрд теңгенің 8 жобасын іске асыру жоспарланған. Олар өңдеу өнеркәсібі, логистика, жол бойындағы сервистік қызмет, құрылыс материалдарын өндіру, ауыл шаруашылығы және қызмет көрсету салаларын өркендетуге бағытталған.Қазалы ауданында 48,4 млрд теңгенің 52 жобасы әзірленіп, қаржыландыруға ұсынылған. Білім беру, газ және жылумен жабдықтау, кәріз жүйесі, автомобиль жолдары, электр желілері және ауыл шаруашылығы салаларын дамытуға арналған.Сонымен қатар 5,9 млрд теңгенің 5 жобасы әзірлену сатысында. Қармақшы ауданында тұрғындардың өмір сүру сапасын арттыруға бағытталған 22 млрд теңгенің 16 жобасын іске асыру мақсаты қойылған. Жобалар ауыз сумен қамту, электр және газ желілерін жаңғырту, жол және әлеуметтік нысандар салу, тарихи-мәдени мұраны сақтау және мал шаруашылығын дамыту бағыттарын қамтиды. &nbsp;Жалағаш ауданында 16 млрд 531 млн теңгенің 33 жобасы межеленіп отыр. Негізгі бағыты – газдандыру, электрмен жабдықтау, жол, ауыз су, әлеуметтік нысандарды жөндеу және абаттандыру.Сырдария ауданы 26,5 млрд теңгенің 32 жобасын жүзеге асыру үшін бюджеттік өтінімдер ұсынған. Білім беру, газдандыру, электрмен жабдықтау, жол, ауыз су, әлеуметтік нысандарды жөндеу және абаттандыру жобалары алдағы жылдардың жұмыс бағытын айқындайды.Шиелі ауданында 42 млрд. 898 млн теңгеге бағаланған 98 жоба бойынша бюджеттік өтінімдер ұсынылды. Білім беру, газдандыру, электрмен жабдықтау, жол, ауыз су, әлеуметтік нысандарға қатысты жобаларды жүзеге асыру межеленіп отыр.Жаңақорған ауданында жалпы құны 607,8 млрд теңге болатын 8 ірі инвестициялық жоба көзделген. Олардың қатарында жеміс-көкөніс сақтау және өңдеу кешені, күн-электр станциясы, цемент зауыты, тауарлы сүт фермасы, Шалқия кен-байыту фабрикасы және полиметалл кен орындарын игеру жобалары бар.Жоспарланған жобалар жүзеге асқанда өңірдегі инженерлік инфрақұрылымды жаңғыртуға, өндірістік және инвестициялық әлеуетті арттыруға, жаңа жұмыс орындарының ашылуына және халықтың өмір сүру сапасының жақсаруына оң ықпал етеді.

Алдағы жылдарға жоспарланған ауқымды жобалар талқыланды

Астанадағы Президент орталығында Премьер-министр Олжас Бектеновтің қатысуымен Еңбек күніне арналған «Еңбек – ел мұраты» атты республикалық форум өтті.Еске салайық, елімізде Еңбек күні 2013 жылдан бері атаулы күндер қатарында. &nbsp; Бұл форум түрлі салада ел игілігіне адал қызмет етіп, өнегелі ісімен көпке үлгі болып жүрген еңбек адамдарын кеңінен насихаттауға бағытталады.&nbsp;Аталған іс-шараға Сыр өңірінің делегациясы да қатысып, арнайы номинациялар бойынша марапаттарға ие болды.<img src="https://knadmin.beoblood.kz/uploads/FB_IMG_1790536172200_1668d281a4.jpg" alt="FB_IMG_1790536172200.jpg">Атап айтқанда, «Үздік еңбек әулеті» номинациясын &nbsp;қызылордалық Абдрахмановтар әулеті алды. Бұл әулеттің төрт буыны теміржол саласында &nbsp;еңбек етіп келеді, жалпы еңбек өтілі 318 жыл. Салаға сіңірген еңбек жоғары бағаланып, әр жылдары әулет мүшелері «Ленин», «Қызыл жұлдыз», «Еңбек даңқы» ордендеріне, &nbsp;түрлі деңгейдегі марапаттарға ие болған.Бұдан бөлек, Мемлекет басшысының Жарлығымен қырық жылдан астам «Жаңа жол» ЖШС механизаторы болып еңбек еткен Талғат Байымбетов, 31 жыл бойы «Шалқия Цинк ЛТД» ЖШС-ның тас қалаушысы Мырза Малкенов «Ерен еңбегі үшін» медалімен марапатталды.<img src="https://knadmin.beoblood.kz/uploads/FB_IMG_1790536147801_945a0cf5c9.jpg" alt="FB_IMG_1790536147801.jpg">

Қызылордалықтар республикалық форумда марапатталды 

Облыс әкімі Мұрат Ергешбаев, ҚР Экология және табиғи ресурстар министрі Әлібек Қуантыров Арал ауданындағы Көкарал бөгетіне барып, облыстың &nbsp;су шаруашылығының қазіргі жағдайымен танысты.Бүгінгі мәлімет бойынша Сырдария өзенінің төменгі ағысындағы су көлемі өткен жылдың сәйкес кезеңімен салыстырғанда айтарлықтай артқан. Шардара су қоймасына секундына 193,9 текше метр су түсіп, &nbsp;999 млн текше метрге жетті.Ал Шардарадан төменгі ағысқа секундына 200 текше метр су жіберілуде. Соның нәтижесінде &nbsp;217 текше метр су келіп жатыр.&nbsp; Облыс аумағындағы негізгі су тораптарында да су өткізу көлемі артқан. Мәселен, Қызылорда су торабынан төменге секундына 250 текше метр, Әйтек су торабынан 235 текше метр, Қазалы су торабынан 200 текше метр және Ақлақ су торабынан 150 текше метр су жіберілуде. Ал Арал теңізіне секундына 150 текше метр су түсіп жатыр.&nbsp; Әрі қарай делегация тікұшақпен &nbsp;Арал теңізінің құрғаған ұлтанында жүргізілген жұмыстарды көрді.Құрғаған табаннан көтерілетін тұзды шаңның қоршаған ортаға әсерін азайту мақсатында Қазақстан бөлігінде бірнеше жылдан бері орман отырғызылып келеді. Мәселен, 2021 жылға дейін Қазақстан аумағында 192,8 мың гектар жер игерілген. Оның ішінде 1991-2020 жылдары облыстық бюджет есебінен 119,7 мың гектар жерге сексеуіл егілді. Халықаралық ұйымдар да қолдау көрсетті. Атап айтқанда, Халықаралық Аралды құтқару қоры есебінен 1,1 мың гектарға, Германия ынтымақтастық ұйымы арқылы 1,3 мың гектарға, Қазақстан және Дүниежүзілік банк қаржысы есебінен 57,4 мың гектарға, Оңтүстік Кореяның қайтарымсыз қаржысы есебінен 13,3 мың гектарға орман отырғызылды. &nbsp;Мемлекет басшысының бес жыл ішінде Арал теңізінің құрғаған ұлтанына сексеуіл егу жөніндегі тапсырмасына сәйкес, 2021-2026 жылдары 1,1 млн гектар алқапқа фитоорманмелиорация жүргізілді.Экожүйені қалпына келтіру мақсатында «КАТКО» қазақ-француз бірлескен кәсіпорнының қаржыландыруы есебінен 500 метр тереңдіктен &nbsp;екі тұщы су ұңғымасы қазылып, іске қосылды. Қазіргі таңда ұңғымалардан шыққан су жайылған аумақта шөптесін өсімдіктер пайда болып, табиғи орта қалыптаса бастаған. Жабайы аңдар мен құстар көбейген.Алдағы уақытта №1 су ұңғымасы орналасқан 15 гектар аумақта орман тұқымбағын құру жоспарланып отыр.Айта кетейік, министр сапары Қызылорда қаласындағы қайта жаңғыртылған Президент саябағы мен Ботаникалық бақта жалғасады.<img src="https://knadmin.beoblood.kz/uploads/FB_IMG_1790485593831_cd819d606e.jpg" alt="FB_IMG_1790485593831.jpg">

Арал аймағының экологиялық ахуалын жақсарту бағытындағы жұмыстарды таныстырды

Облыс әкімі Мұрат Ергешбаев Сыр өңіріне жұмыс сапарымен келген ҚР Экология және табиғи ресурстар министрі Әлібек Қуантыровпен бірге Қазалы ауданына барды.&nbsp;Сапар барысында Қазалы қаласындағы жақында іске қосылған орман тұқымбағының жұмысымен танысты.&nbsp;Аталған жоба Мемлекет басшысының орман қорын ұлғайту және экологиялық тұрақтылықты қамтамасыз ету жөніндегі тапсырмасына сәйкес Дүниежүзілік банктің қаржыландыруымен 440 млн теңгеге жүзеге асырылған. &nbsp;&nbsp;Аумағы 33,5 гектар тұқымбақта 16 арнайы техника бар. Қара сексеуіл, жапырақты және жеміс дақылдары, үйеңкі секілді ағаш түрлері &nbsp;өсіріліп, қорғаныш жасыл белдеу жасау жұмыстары ұйымдастырылуда. Қазір тұқымбақта 45 адам жұмыспен қамтылған.&nbsp;Бұдан кейін Қазалы қаласындағы республикалық орман селекциялық тұқым өсіру орталығының тұқымбағы таныстырылды.&nbsp;Жалпы ауданы 32 гектар тұқымбақтың 17 гектары орманмен қамтылған. &nbsp;Ал 15 гектары &nbsp;жайылымдық жер ретінде пайдаланылуда. Мұнда жылына 1-1,5 млн дана көшет өсіріледі. &nbsp;Сондай-ақ, таулы аймақтарға тән &nbsp;айлант, катальпа, туя секілді 10 түрлі ағаш көшеттері жерсіндіріліп, бес түрлі жеміс ағашы да өсірілуде. Арал теңізінің құрғаған табанына отырғызылатын сексеуіл көшеттері де осы жерде дайындалады. Биыл тұқымбақта сексеуіл көшетін егу жоспарланып отыр. Қазіргі уақытта мұнда 41 адам жұмыспен қамтылған.<img src="https://knadmin.beoblood.kz/uploads/FB_IMG_1790481686628_6dc2e9519a.jpg" alt="FB_IMG_1790481686628.jpg">

ҚР Экология және табиғи ресурстар министрі жұмыс бабымен Қазалы ауданына барды 

Бүгін ҚР Премьер-министрі Олжас Бектеновтің төрағалығымен өткен Үкімет отырысында жол және жаяу жүргіншілер қауіпсіздігін қамтамасыз ету мәселесі қаралды. Оған облыс әкімі Мұрат Ергешбаев селекторлық режим арқылы қатысты.Үкімет отырысында көтерілген мәселелерге орай жауапты сала басшыларына бірқатар нақты тапсырма берілді. Аймақ басшысы автомобиль жолдары мен көшелерге жол белгілерін орнатуды, тозығы жеткен жол белгілерін жаңартуды тапсырды. «Батыс Еуропа – Батыс Қытай» автодәлізі бойындағы елді мекендер тұрғындарына малды қараусыз жібермеуді түсіндіру жұмыстарын жандандыру қажет. Облыстық полиция департаментіне автомобиль жолдарындағы авариялық қауіпті учаскелерді анықтауға, жол қозғалысы ережелерінің сақталуына бағытталған рейдтік іс-шараларды тұрақты өткізу міндеттелді.Сонымен қатар, «ҚазАвтоЖол» ҰК» АҚ облыстық филиалына «Қызылорда – Ақтөбе» бағытындағы айналма жол мен «Қызылорда –Сексеуіл» автомобиль жолын қайта жаңғырту жұмыстарын қадағалау тапсырылды.Өңірдегі 3525 шақырым автомобиль жолының 1025 шақырымы республикалық, 555 шақырымы облыстық және 1945 шақырымы &nbsp;аудандық маңызы бар жолдар.Биыл жол инфрақұрылымын дамытуға республикалық, облыстық және аудандық бюджеттерден 40,5 млрд теңге бөлінді. Бұл қаражат есебінен 168 шақырым автомобиль жолы, көшелер мен көпір өткелдерінде жөндеу жүргізілуде. Жол қауіпсіздігін сақтау мақсатында заманауи бақылау құралдары орнатылып жатыр. Жаяу жүргіншілер қатысқан жол-көлік оқиғалары талданып, қауіпті учаскелерге 15 «Sunqar» құрылғысы қойылды. Аудандарда 539 бейнебақылау камерасы мен 49 жылдамдық өлшегіш іске қосылды. Қызылорда қаласында 1400 бейнебақылау камерасы, 80 зияткерлік қиылыс және 96 стационарлық жылдамдық өлшегіш жұмыс істейді.

Жол және жаяу жүргіншілер қауіпсіздігін қамтамасыз ету мәселесі қаралды 

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектенов Мемлекет басшысының «Таза Қазақстан» экологиялық акциясында берген тапсырмаларын орындау мәселелері талқыланған кеңес өткізді. Оған облыс әкімі Мұрат Ергешбаев селекторлық режим арқылы қатысты.Мемлекет басшысы 19 қыркүйек күні «Таза Қазақстан» акциясына қатысып, әлеуметтік қолдау, денсаулық сақтау, білім беру, экология, құрылыс, жол инфрақұрылымы және қалалық ортаны дамыту бағыттарындағы бірқатар өзекті мәселеге тоқталған болатын.Облыс әкімі осыған қатысты аудан әкімдері мен жауапты сала басшыларына бірқатар тапсырма жүктеді:Әлеуметтік көмек алушылардың нақты қажеттілігін анықтауды тұрақты жалғастыру. Әлеуметтік кодекске енгізілетін өзгерістер мен толықтырулар бойынша халық арасында ақпараттық-түсіндіру жұмыстарын жүргізу;Есту аппараттары мен аудиопроцессорларды уақытылы қаржыландыру және сатып алу, бұл бағытта «Қазақстан халқына» қорымен әріптестікті күшейту;Білім беру ұйымдарындағы тамақ сапасын бақылауды күшейту, ата-аналар, медицина мамандарының қатысуымен құрылған комиссиялардың жұмысын жүйелеу,&nbsp;Әлеуметтік әмиян» ақпараттық жүйесі арқылы мониторингті күшейту;<ul><li style="text-align:justify;">Санитариялық-эпидемиологиялық бақылау органдарымен бірлесіп, білім беру ұйымдарындағы тамақ сапасын кешенді тексеру;</li><li style="text-align:justify;">Білім беру ұйымдарындағы қауіпсіздік пен материалдық-техникалық базаның жай-күйін, білім сапасын тұрақты назарда ұстау;</li><li style="text-align:justify;">Экологиялық мәдениетті қалыптастыру бағытында ақпараттық-түсіндіру жұмыстарын күшейту;</li><li style="text-align:justify;">Салынып жатқан нысандар мен тұрғын үйлердің сапасын бақылау, құрылыстың белгіленген мерзімде аяқталып, уақытылы пайдалануға берілуін қамтамасыз ету;</li><li style="text-align:justify;">«ҚазАвтоЖол» мекемесімен бірлесіп, жол құрылысының сапасы мен мерзімін бақылау;</li><li style="text-align:justify;">Қала кеңістігін дамытуға заманауи тәсілдерді енгізу және қаланың бірыңғай сәулеттік келбетін қалыптастыратын дизайн-код әзірлеу;</li><li style="text-align:justify;">Астана қаласының урбанистика саласындағы тәжірибесін өңірде қолдануға қатысты бір апта ішінде нақты ұсыныстар әзірлеу міндеттелді.</li></ul>

Қазақстан және Қызылорда облысының басты жаңалықтары