Cwestiynau cyffredinol yr Ŵyl

Mae tocynnau ar werth ar ein gwefan. Cliciwch yma am wybodaeth ac i brynu tocynnau. 

Dros 8 diwrnod mae'r Maes yn gartref i gannoedd o ddigwyddiadau celfyddydol, hamddenol, a masnachol o bob cwr o Gymru, a thrwy gyfrwng y Gymraeg. Bydd y rhaglen ar gael ar-lein ym mis Mehefin

Mae gennym ni nosweithiau o adloniant yn y Pafiliwn o nos Sadwrn - nos Lun. Ein prif gyngerdd eleni yw  sioe côr yr Eisteddfod, sef 'Sefyll ar y Sgwâr', sioe jukebox sydd wedi'i hysbrydoli gan ganeuon Ail Symudiad, y band dylanwadol o Aberteifi, gyda sgript gan Nico Dafydd a Mari Elen. Mae'r tocynnau i gyd wedi gwerthu allan. Mae 'Sefyll ar y Sgwâr' ymlaen nos Sadwrn a nos Lun am 19:30.

Nos Sul cynhelir y Gymanfa Ganu yn y Pafiliwn am 19:30. Bydd côr yr Eisteddfod yn perfformio, a bydd cyfle i gyd-ganu rhai o hoff emynau'r genedl. Darperir llyfrau canu ar y noson. Rhagor o wybodaeth a thocynnau yma.

Mae nosweithiau o gystadlu yn y Pafiliwn bob noson arall, ac mae mynediad am ddim gyda thocyn Maes dilys.

Arhoswch ar y Maes i fwynhau adloniant mewn llefydd amrywiol.  Edychwch ar ein rhaglen am fanylion neu defnyddiwch yr ap.

Cofiwch hefyd am gigs Maes B ac mae rhagor o wybodaeth a thocynnau yma.

Mae ein cyfleoedd gwirfoddoli'n fyw nawr - Gwirfoddoli yn 2026 | Eisteddfod

Oes.  Bydd yr app ar gael ym mis Gorffennaf.

Rydym yn cydweithio gyda chwmni Byw Bywyd unwaith eto eleni, ac mae’u stondin wedi’i lleoli wrth ymyl y brif fynedfa. 

Er bod sgwteri a chadeiriau olwyn ar gael i’w llogi ar y dydd, rydym yn argymell yn gryf eich bod yn cysylltu gyda’r cwmni ymlaen llaw am sgwrs, a gellir gwneud hyn drwy ffonio 01286 830 101. 

Os ydych yn bwriadu llogi sgwter am y tro cyntaf eleni, dylech gysylltu gyda’r cwmni am gyngor a sgwrs.  Os nad ydych yn brofiadol ar sgwter, dylech ddewis cyflymder araf wrth grwydro’r Maes. 

Byddwch yn ystyrlon o ymwelwyr eraill bob amser wrth ddefnyddio sgwter o amgylch y Maes.

Mae stondin Byw Bywyd ar agor o 09:00 - 18:00 bob dydd. 

Mae modd i ymwelwyr wefru eu sgwter yn y stondin, hyd yn oed os nad ydynt wedi llogi’r sgwter gan gwmni Byw Bywyd.

Rydyn ni’n cyhoeddi unrhyw swyddi ar y Maes. Cysylltwch gyda’r stondin / cwmni sy’n cynnig y gwaith yn hytrach na ni, os gwelwch yn dda. Does dim swyddi ar gael ar hyn o bryd.

Oes. Mae cwmni Cymen yn cynnig gwasanaeth yn ystod yr wythnos. Ewch i’r ganolfan gyfieithu y tu allan i’r Pafiliwn i gasglu eich offer yn rhad ac am ddim.

Mae pwyntiau dŵr ar gael ar hyd a lled y Maes, ac wedi’u nodi’n glir ar fap y safle.  Mae’r rhain wedi’u gosod yn isel er mwyn hwyluso ymwelwyr mewn cadeiriau olwyn a sgwteri. 

Ein bwriad yw annog ymwelwyr i ddod â photeli dŵr y gellir eu hail-ddefnyddio i’r Maes, a’u llenwi’n rheolaidd wrth grwydro.  Nid oes poteli dŵr plastig ar werth ar y Maes eleni.

Oes.  Ewch ag unrhyw eiddo coll i Swyddfa’r Eisteddfod y tu ôl i’r Pafiliwn.  Bydd eiddo coll sydd heb ei gasglu’n dychwelyd i’n swyddfa yng Nghaerdydd a byddwn yn gwneud ein gorau i’w ddychwelyd i'r perchennog.  Mae’n bosibl y bydd cost am bostio rhai eitemau.  Os na fydd eiddo wedi’i gasglu / dychwelyd erbyn diwedd Medi, byddwn yn cysylltu gydag elusennau lleol. 

Ydych. Mae croeso i gŵn ufudd a chyfeillgar cyn belled â’u bod nhw ar dennyn tynn drwy’r amser.  Dim ond cŵn cymorth sy’n cael mynd i’r Pafiliwn, ond mae croeso mawr i gŵn eraill o amgylch y Maes.

Oes.  Maen nhw'n gadael y Hwb Gwybodaeth am 11:00 a 14:00 bob dydd ac yn arbennig o addas i ymwelwyr newydd. Holwch yn y ddesg ymholiadau

Oes, mae gennym ni ardal arbennig ar gyfer unrhyw un sy'n dymuno gweddïo neu myfyrio yn ystod eu hymweliad.  Mae'r ystafell weddïo aml-ffydd wedi'i lleoli i ffwrdd oddi wrth fwrlwm mawr y Maes, yn agos at y Llecyn Llonydd a'r Hwb Hygyrchedd ac wedi'i nodi ar ein map

Wrth gwrs! Cliciwch yma i gyfrannu. Rydyn ni'n ddiolchgar am bob cyfraniad.

Newyddion gwych! Mae ein hymwelwyr ni'n hoffi gweld y croeso lliwgar ym mhob ardal wrth gyrraedd. Mae ein hymgyrch harddu'n rhedeg nawr! Rhagor yma - Prosiect Harddu 2026 | Eisteddfod